எண்பதுக்கு மேற்பட்ட நாடுகள் பங்கு பற்றிய 42 ஆவது சர்வதேச பௌதிகவியல் ஒலிம்பியாட் போட்டி தாய்லாந்தில் கடந்த 10 ஆம் திகதி முதல் 18 ஆம் திகதி வரை நடைபெற்றது.

இதில் யாழ். சென்பற்றிக்ஸ் கல்லூரி உயர்தர மாணவன் சிவபாலன் செல்வநித்திலன் வெள்ளிப் பதக்கம் வென்றுள்ளார். இதுவரை காலம் நடைபெற்ற இந்தப் போட்டிகளில் இலங்கைக்குக் கிடைத்த முதலாவது வெள்ளிப் பதக்கம் இதுவாகும்.
   இந்தப் போட்டிக்காக மாணவர்களைத் தெரிவு செய்து பயிற்சி அளித்து அனுப்பும் பணியை, கொழும்புப் பல்கலைக்கழக பௌதிகவியல் துறையும், இலங்கை பௌதிகவியல் நிறுவனமும் 2005 ஆம் ஆண்டு முதல் இணைந்து செயற்படுத்தி வருகின்றன.ஜீ.சி.ஈ. உயர்தர வகுப்பில் பயிலும் மாணவர்களுக்கிடையில் ஆண்டு தோறும் அகிலஇலங்கை ரீதியாக நடைபெறும் இலங்கை பௌதிகவியல் போட்டிப் பரீட் சையில் அதிஉயர் புள்ளிகள் பெற்ற மாணவர்களே ஆசிய மட்டப் போட்டிக்கும், பின்னர் சர்வதேச மட்டப் போட்டிக்கும் தெரிவுசெய்யப்படுகின்றனர்.
 
மாணவன் செல்வநித்திலன் 2010 ஜூலை மாதம் நடைபெற்ற அகில இலங்கை பௌதிகவியல் ஒலிம்பியாட்டில் 100 புள்ளிகள் பெற்று ஆசிய மட்டப் போட்டிக்கான எண்மர் குழுவுக்குத் தெரிவானார்.

இஸ்ரேல் நாட்டில் 2011 மே மாதம் நடைபெற்ற இந்த 12 ஆவது ஆசிய பௌதிகவியல் ஒலிம்பியாட்டில் கௌரவக் குறிப்புச் சான்றிதழ் பெற்ற ஒரேயொரு இலங்கையர் இவராவார்.

இதில் 17 ஆசிய நாடுகள் பங்குபற்றின.தொடர்ந்து தாய்லாந்தில் நடந்த 42 ஆவது சர்வதேச பௌதிகவியல் ஒலிம் பியாட்டில் பங்கு பற்றிய ஐவர் கொண்ட இலங்கைக் குழுவிலும் இடம்பெற்ற இவர், இந்தப்போட்டியில் வெள்ளிப்பதக்கம் பெற்ற முதல் இலங்கையர் என்ற பெருமையைப் பெறுகின்றார். மேலும் இந்தக் குழுவைச் சேர்ந்த மாணவர்கள் இருவர் வெண்கலப் பதக்கங்களையும், ஒருவர் கௌரவ குறிப்புச் சான்றிதழையும் பெற்றுள்ளனர்.

ஜேர்மன் நாட்டில் Dinslaken (டின்ஸ்லாகன்) என்னும் நகரில் வாழ்ந்து வரும் கஜேந்திரன் சுபாசினி தம்பதிகளின் மூத்த புதல்வன் சாருஜன் கஜேந்திரன் (வயது அவரது மாநில ரீதியான மெய்வல்லுனர் போட்டிகளில் கலந்து கொண்டு முதலிடங்களைப் பெற்று இன்று தனக்கென்றே ஒரு தனியான முத்திரையைப் பதித்துள்ளார்.
இவர் சிறுவயதிலிருந்தே விளையாட்டுத்துறையில் அதிக ஆர்வம் கொண்டிருந்தார். இதனை வெளிப்படுத்துவதற்கு சந்தர்ப்பம் தேடிக்கொண்டிருந்த போதே Dinslaken நகரில் 22 March 2009 நடைபெற்ற 421m மரதன் ஓட்டப்போட்டியில் கலந்து கொள்வதற்கு சந்தர்ப்பம் கிடைத்தது.

இச்சந்தர்ப்பத்தை தவறவிடக்கூடாது என நினைத்து இவரது தாயாரின் அதிகளவான ஊக்குவிப்பால் எல்லோரையும் வியப்பில் ஆழ்த்துமாறு 7 வயதே நிரம்பாத நிலையில் 421m தூரத்தை 1:38 நிமிடத்தில் ஓடி முதலாம் இடத்தை தட்டி தங்கப்பதக்கத்தையும் பெற்றுக்கொண்டார் சாருஜன்.இதன் பின்பு இவர் SUS 09 Dinslaken என்ற கழகத்தில் சேர்ந்து தனது வயது பிரிவிற்குரிய 50m ஓட்டம், நீளம்பாய்தல், பந்து எறிதல் (Dreikampf) ஆகிய விளையாட்டுக்களில் அதி தீவிர பயிற்சி எடுத்து முதல் கட்டமாக தனது நகரில் நடை பெற்ற மெய்வல்லுனர் போட்டிகளில் கலந்து எல்லாவற்றிலும் முதல் இடங்களை பெற்றுக் கொண்டார்.

இவரது ஊக்கத்தைக்கண்ட பயிற்றுவிப்பாளர் (Trainer) ஏழு வயதே நிரம்பாத நிலையில் சாருஜனால் முடியுமெனக் கூறி எட்டு வயதுப் பிரிவினருடன் Oberhausen ல் (ஒபகோசன்) 13 June 2009 நடைபெற்ற Reg Kreis besten kampfe என்ற Kreis ரீதியான போட்டிக்கு அனுப்பினார். அதிலும் முதல் எட்டுப்பேருக்குள் மூன்று போட்டிகளிலும் (Dreikampf) தெரிவு செய்யப்பட்டு சான்றிதழையும் பெற்றுக்கொண்டார்.

பின்பு அடுத்த கட்டமாக TV Walsum Aldenrade 07 என்ற கழகத்தால் Duisburg ல் 08.11.2009 நடைபெற்ற உள்ளரங்க விளையாட்டுகளில் நின்று கொண்டு நீளம் பாய்தல் 1.70 m பாய்ந்து முதலிடத்தையும் 30m ஓட்டத்தை 5.81 செக்கனில் ஓடி முதலிடத்தையும் பதக்கங்களையும் சான்றிதழ்களையம் வென்றெடுத்து பயிற்றுவிப்பாளர் மனதில் தனக்கென ஓர் இடத்தை பிடித்தார்.

அடுத்தடுத்து நடைபெற்ற 1000m (Kreis Cross Meister Schaften – Wesel 31 January 2010) தூரத்தை 0:06:13 நிமிடத்தில் ஓடி முடித்து சான்றிதழையும் பதக்கத்தையும் தனதாக்கிக் கொண்டார். 20 February ல் 2010 ல் Oberhausen ல் 850m ஓட்டப்போட்டியில் கலந்து கொண்டு 0:03:59 நிமிடத்தில் ஓடி சான்றிதழைப் பெற்றுக் கொண்டார்.

இதையடுத்து 20 March 2010 ல் நடைபெற்ற Kreis Rhein – Lippe (Kreis Hallen Meister Schaften) என்ற எட்டு வயதின் இறுதிக்கட்ட உள்ளரங்க விளையாட்டுகளில் நின்று கொண்டு நீளம் பாய்தலில் (Standweitsprung) 1.81 m பாய்ந்து முதலிடத்தையும் 30m ஓட்டத்தில் 5:78 செக்கனில் ஓடி முதலிடத்தையும் பெற்றுக்கொண்டது மாத்திரமின்றி NRZ (Neue Rhein Zeitung), Rheinische Post ஆகிய பத்திரிகைகளிலும் இவரது சாதனைகள் வெளிவரத் தொடங்கின.

அதன் பின் Moers ல் (மோர்ஸ்) நடைபெற்ற Mai sport fest ல் கலந்து கொண்டு 50m ஓட்டம், நீளம் பாய்தல், பந்து எறிதல் (8:89 sec, 3.15m, 22.0m) ஆகிய மூன்றிலும் முதலிடத்தைப் பெற்று பதக்கங்களையும், சான்றிதழையும் தனதாக்கிக் கொண்டார்.

கடந்த மாதம் (05 June 2010) Bottrop ல் (பொட்ரொப்) நடைபெற்ற Kreis-Rhein – Lippe (Reg Kreis Besten Kämpfe) என்ற போட்டியில் கலந்து கொண்டு 50m ஓட்டம், நீளம் பாய்தல், பந்து எறிதல் (8:56 Sec, 3.50m, 25.00m) ஆகிய மூன்றிலும்(Dreikampf) முதலிடத்தைப் பெற்று சான்றிதழைப் பெற்றது மாத்திரமல்லாது ஜேர்மன் பத்திரிகைகளில் இவரது சாதனையைப் பாராட்டி இவர் ஒரு “பச்சை தீட்டாத வைரம்” (Rohdiamant) என்று வர்ணிக்கப்பட்டார்.

இவரது பெற்றோரின் ஊக்குவிப்பாலும் அவரது அயராத உழைப்பாலும் ஜேர்மனியில் நடைபெறும் அவரது மாநிலத்தில் எட்டு வயதுப் பிரிவினரின் இறுதிக்கட்ட போட்டியில்(Kresmeister Schafter – Finale) இந்த மாதம் Bottrop ல் நடைபெற்ற (11 July 2010) 50m ஓட்டம், நீளம்பாய்தல் (8:49 sec, 3:58m) ஆகியவற்றில் முதலிடத்தையும் பந்து எறிதலில் (26.00 m) மூன்றாம் இடத்தையும் பெற்றுக்கொண்டதுமல்லாமல் ஜேர்மன் பத்திரிகைகளில் விளையாட்டுப் பக்கத்தில் இவரது பெயரே தலைப்பாக வரும்படி இவரைப்பற்றிக் கட்டுரைகள் பல வந்துள்ளன.

இது மாத்திரமின்றி சாருஜனின் திறமையை அறிந்து கொண்ட கொக்கி (Hockey) கழகத்தினர் (TV Jahn Hiesfeld) இவரை தமது அணியில் வந்து சேரும்படி பெற்றோரிடம் கேட்டுக் கொண்டதனால் இவர் இப்போது ஓராண்டு காலமாக கொக்கி விளையாடி வருகிறார்.

இவர் கொக்கி கழகத்தில் சேர்ந்து இரண்டு மாதம் பயிற்சி பெற்ற நிலையிலேயே மாநில ரீதியான போட்டிகளுக்கு தெரிவு செய்யப்பட்டார். முன்கள ஆட்டவீரராக ஆடும் சாருஜன் முதல்போட்டியிலிருந்தே அவரது அணியின் வெற்றிக்கு மிகவும் முக்கியமான ஆட்ட வீரராக திகழ்கின்றார்.

இந்த ஆண்டு நடைப்பெற்ற மாநில ரீதியான போட்டிகளில் 15க்கும் மேற்பட்ட Goal களை அடித்து அத்துறையிலும் தனக்கென ஓர் இடத்தைப் பிடித்தது மாத்திரமல்லாது கொக்கி ரீதியாகவும் Rheinishe Post என்ற பத்திரிகைகளில் இவரது பெயர் வந்து கொண்டிருக்கின்றது.

இதை விட தமிழர் விளையாட்டுப் போட்டிகளிலும் கலந்து கொண்டு பதக்கங்களையும், வெற்றிக் கிண்ணக் கோப்பைகளையும் பெற்றுக்கொண்டுள்ளார் என்பது குறிப்பிடத்தக்கது.

யாழ்ப்பாணம்-சாவச்சேரியைச் சேர்ந்த டாக்டர் சிதம்பரநாதன் சபேசன் இங்கிலாந்தில் a groung breaking radio teal time tagging system என்ற கண்டுபிடிப்பை நிகழ்த்தி சாதனை படைத்துள்ளார்.இச் சாதனைக்காக அவருக்கு Uk pioneer (கண்டுபிடிப்பாளர்) மற்றும் royal academic enterpreneur ship (கண்டுபிடிப்பை வர்த்தக ரீதியாக அறிமுகப்படுத்துபவர்) ஆகிய உயரிய விருதுகள் வழங்கப்பட்டுள்ளன. இவர் தனது இடைநிலைக் கல்வியை சாவகச்சேரி இந்கதுக் கல்லூரியில் பயின்று 2000 ஆம் ஆண்டு கா.பொ.த. சாதாரண தரத்தில் 9 ஏ,டி சித்தியையும் உயர்தரக் கல்வியை யாழ்.இந்துக் கல்லூரியிலும் கற்று 3 ஏ சித்தியையும் பெற்றார். தொடர்ந்து மொறட்டுவ பல்கலைக் கழகத்தின் பொறியியல் பீடத்துக்குத் தெரிவு செய்யப்பட்டு அங்கு சில மாதங்கள் கல்வி பயின்றார். இந்நிலையில் இங்கிலாந்தில் புகழ் பெற்ற பல்கலைக்கழகங்களில் ஒன்றான Sheffield பல்கலைக்கழகத்தில் புலமைப்பரிசில் பெற்று தனது இளநிலை பொறியற் கல்வியை (B.Eng.Electronic Engg) 2007 ம் ஆண்டு பூர்த்தி செய்து இங்கிலாந்து ரீதியான தெரிவான 18 முதல் மாணவர்களில் ஒருவராகத் திகழ்ந்தார். இந்தச் சாதனைக்காக இவருக்கு Sie William Siemen Medal பதக்கம் வழங்கப்பட்டது. தொடர்ந்து தனது முதுமாணிக் கல்வியை உலகளாவிய ரீதியில் திறமை வாய்ந்த இங்கிலாந்து cambrige பல்கலைக்கழகத்தில் புலமைப் பரிசில் பெற்று தொடர்ந்தார். இங்கு முதலில் Master Of Physicology in Electronic Engg மற்றும் Doctor Of Physicology in Electronics Engg என்ற உயரிய படடங்களையும் பெற்றுக் கொண்டார். பல விருதுகளையும் பரிசுகளையும் பெற்ற இவரது ஆராய்ச்சி கண்டு பிடிப்புக்கள் இங்கிலாந்து பத்திரிகைகளிலும் பல்வேறு ஆங்கில இணையத்தளங்களிலும் வெளியிடப்பட்டுள்ளன. அத்துடன் இரண்டு Patients Inventer என்ற பட்டங்களையும் பெற்றுள்ளார். இவர் தற்போது கேம்பிறிச் பல்கலைக்கழகத்தின் பட்டதாரிகள் கிரிக்கெட் கழக தலைவராகவும் கேம்பிறிச் பல்கலைக்கழகத்தின் பொறியியற் தொழில் நுட்ப இளைய வல்லுனர் அமைப்பின் தலைவராகவும் செயற்பட்டு வருகிறார். இவரது கண்டு பிடிப்பான radio real time tagging system ஆனது பல வர்த்தக ஸ்தாபனங்களுக்கும் எயர்லைன்ஸ் நிறுவனங்களுக்கும் கோடிக்கணக்கான வருமானங்களை ஈட்டக்கூடிய வாய்ப்பினை உருவாக்கியுள்ளது. இவரது கண்டுபிடிப்பான inteligent wireless passive sensor technology system விமான நிலையத்தில் பயணிகளையும் பயணிகளின் உடைமைகளையும் தெளிவாக இனங்காட்டக்கூடியது. இவரது கண்டுபிடிப்பு விமானநிலையங்களில் பாதுகாப்பு சேவைக்கு பெரும் வரப்பிரசாதமாக அமைந்துள்ளது.

இலங்கை மெய்வன்மைச் சங்கத்தினால் நடத்தப்படும் கனிஷ்ட பிரிவுக்கான தடகளப் போட்டியில் அளவெட்டி அருணோதயக் கல்லூரி மாணவி கே.தனுஷா தேசிய ரீதியில் புதிய சாதனையை நிலைநாட்டியுள்ளார்.

பிரித்தானியாவில் உள்ள காரைநகர் நலன்புரிச்சங்கத்துக்கு நிதிசேர்க்கும் தொண்டு நடவடிக்கைக்காக ஈழத்தமிழ் பெண்ணான செல்வி வர்ஷினி தியாகலிங்கம் தேம்ஸ் நதியிலான ஒரு மைல் தூர தொண்டு நீச்சல் நிகழ்வில் பங்கேற்றுள்ளார். இந்நிகழ்வு நேற்றுமுன்தினம் காலை 9 மணியளவில் Royal Victoria Dock எனும் இடத்தில் நடைபெற்றது. இத்தொண்டு நீச்சலில் சுமார் 5,000 பங்கேற்பாளர்கள் தத்தம் தொண்டு நிறுவனங்களுக்கு ஆதரவாக நீச்சலில் ஈடுபட்டிருந்தனர். இதில் காரைநகர் மற்றும் அதன் மருத்துவ சேவை மேம்பாட்டிற்காக செல்வி வர்ஷினி தியாகலிங்கம் தானே முன் வந்து இத்தொண்டில் ஈடுபட்டுள்ளார். செல்வி வர்ஷினி தியாகலிங்கம் இத் தொண்டு நீச்சல் மூலம் இதுவரை 5647 பவுன்ஸ்களை நிதி நன்கொடையாக ஈட்டியுள்ளார். இதனை இவர் காரைநகர் நலன்புரிச் சங்கத்தினூடாக காரைக்கு அனுப்பிவைக்கவுள்ளார். வேற்றின மக்களோடு நாம் பல நிகழ்வுகளில் கலந்து அவர்களோடு பங்கெடுப்பதன் மூலம், எமது விடுதலைக்காகவும் அவர்கள் குரல்கொடுப்பார்கள் என்பதனை தமிழர்கள் நினைவில்கொள்வது அவசியம்

அமெரிக்காவில் நடைபெறவுள்ள ஆற்றல்மிக்க 300 எதிர்காலத் தலைவர்கள் பங்குகொள்ளும் உச்சி மாநாட்டில் இரு இலங்கைத் தமிழ் மாணவிகள் பங்குபற்றும் பெருமையை பெற்றுள்ளனர். உலகின் 30 நாடுகளிலிருந்து தேர்ந்தெடுக்கப்பட்ட, ஆற்றல்மிக்க 300 எதிர்காலத் தலைவர்கள் இந்த உச்சி மாநாட்டில் கலந்து கொள்ளவுள்ளனர். 2012 ‘செயலில் தலைமைத்துவ உச்சி மாநாடு’ ஐக்கிய அமெரிக்காவின் ஹாவார்ட் மற்றும் ஸ்ரான்போர்ட் பல்கலைக்கழகங்களில் ஒருவாரத்துக்கு இடம்பெறவுள்ளது. ஒவ்வொரு வருடமும் ஜூலை மாதத்தில் இந்த மாநாடு நடைபெற்றுவருகிறது. இம்முறை இலங்கையிலிருந்து இந்த மாநாட்டில் 33 மாணவத் தலைவர்கள் பங்குகொள்கின்றனர். அடுத்த தலைமுறையினருக்கு மிக அரிதாகவே கிடைக்கும் இந்த வாய்ப்பினைப் பெற்ற 33 பேரில் ராகா ரகுநாதன், லக்ஷ்மி சரவணபவன் ஆகிய இரண்டு தமிழ் மாணவர் தலைவர்களும் அடங்குவர்.

கியுபெக் தமிழ் இளையவர்களின் தலமைத்துவம் ஏனையவர்களுக்கு சிறந்த எடுத்துக்காட்டாக அமைகின்றது என கனடிய பாரளுமன்ற உறுப்பினரும் லிபரல் கட்சியின் முக்கியஸ்தருமான ஐன்ரின்ரூடோ புகழ்ந்துள்ளார்.மார்ச் 12 சனிக்கிழமை கனடியத் தமிழர் பேரவையின் கியுபெக் கிளையினரின் ஏற்பாட்டில் மொன்றியலில் சிறப்பாக நடைபெற்ற வருடாந்த இராப்போசன விருந்துபசார வைபவத்தில் கௌரவ விருந்தினராக கலந்துகொண்டு சிறப்புரையாற்றும் போதே ஐன்ரின்ரூடோ மேற்கண்டவாறு கூறினார்.

இந்நிகழ்வில் கனடிய அரசியல் பிரமுகர்கள், கல்வியிலாளர்கள், ஊடகவியலாளர்கள், சமூக ஆர்வலர்கள், மனித உரிமைகள் செயற்பாட்டாளர்கள், வர்த்தகர்கள், தமிழ் அமைப்புகளின் பிரதிநிதிகள் மாணவர்கள் என பெருமளவானோர் கலந்து சிறப்பித்திருந்தனர்.

அத்துடன் கனடாவின் அரசியல் கட்சிகளான கென்சவேர்ட்டிவ், லிபரல், புளொக் கியுபெக்குவா, என்.டி.பி ஆகியனவற்றின் முக்கியஸ்தர்களும் உள்ளூர் அரசியல் கட்சியான புரொnஐக்ட் மொன்றியல் முக்கியஸ்தர்களும், பார்க் நகரசபை உறுப்பினரும் கலந்துகொண்டு சிறப்புரைகளை ஆற்றியதோடு தமது ஆதரவினையும் தெரிவித்திருந்தனர்.

இந்நிகழ்வானது தமிழ் மக்களின் பலதிறமைகளை வெளிக்கொண்டுவருவதற்காகவும், அவர்களின் அரசியல், கல்வி, சமூக, பொருளாதார முன்னேற்றத்தினை ஊக்குவிப்பதற்காகவும், கனடாவின் பல்கலாச்சார உறுதித் தன்மையில் தமிழ் மக்களின் பங்களிப்பை உறுதிப்படுத்துவதாகவும் கியுபெக்கில் தமிழ் மக்களால் நடாத்தப்பட்ட மிகப்பெரிய இரவுப்போசன விருந்துபசாரமாக அமைந்தது. அத்துடன் தமிழ்சமூகத்தின் கலை, கலாச்சார அம்சங்கள் நடனம் மற்றும் இசை விருந்துகள் ஊடாக பகிரப்பட்டதோடு, சமூகத்தின் இளம் சாதனையாளர்களும் கௌரவிக்கப்பட்டார்கள்.

இதில் முக்கியமாக தனது 13 வயதில் இருந்து புற்றுநோய் ஆராய்ச்சியில் ஈடுபட்டு வரும் செல்வன் உத்தமகுமாரன் அபிக்குமரன் கௌரவிக்கப்பட்டார்.